- Dev Anan Ralte

MAP, MRP, IR leh Mizoram Home Guard-a an commandant te an inhmu khawm a. An naute theuh chu infak siakin, an huaisen zia an sawi a. An zinga huaisen ber nih inchuhna avang chuan an inhnial ta chiam mai a. Chuvang chuan, an naute zinga huaisen ber theuh thlang chhuaka intihsiak tir an rawt ta a.

Chutah MAP commandant chuan a sipai chhuanvawr chu a’n ko chhuak a, “Sawlai flag banah sawn lawn la, a ler I thlen veleh zuang thla ang che,” a ti a. Mahni pute thu chu hnial ngam hek lo, flag ban insawi dul dul chung chuan a ler a thleng thei hram a. A ler a thlen veleh a zuang thla a. Leiah chuan a thûm thla tawk mai. An pu chuan, “Kan huai a sin,” tih pahin a kal bo tir leh ta a.

MRP commandant chuan ngaihnep hmel zeta ner nang nang chungin a sipai chhuanvawr a ko chhuak ve leh ta a. Silai rit nelh nawlh pêk pah chuan, “Hei hi keng la, sawlai flag banah sawn lawn la, a lerah ding chungin min rawn salute la, I zuangthla dawn nia,” a ti a. Ani pawh chuan pute thu a hnial ngam si lo a, thei leh thei loin silai pu chungin flag banah chuan a lawn a. A ler a thlen veleh an pu chu a salute a. A zuang thla ta a, a hma ang bawkin a thum leh ta tawk mai. An pu chuan, “Kha kha alawm huaisen chu,” tih pahin a kal bo tir ve leh ta a.

IR commandant chuan, “Nêp hlawm lutuk,” tih sup pah chuan a sipai chhuanvawr a ko chhuak ve leh ta a. “I full uniform bakah, ralbei tur inthuam dan famkimin inthuam la. Sawlai flag banah sawn lawn la. A ler I thlen veleh min salute ang a. Jana Gana Mana I sa chhuak ang a. I zuangthla dawn nia,” a ti a. Mahni pute thu hnial chi a ni si lo, ani pawh chuan a hmaa mite tih an bawkin flag ban chu a va lawn chhuak leh ta a. Flag ler atang chuan a pu salute pahin Jana Gana Mana a sa chhuak parh a. A zuang thla ve leh ta, a thum thla leh tawk mai. An pu chuan, “Keini chu pui deuh kan nia,” tia hawi valh valh chung chuan a kal bo tir ve leh ta a.

Engtin tak Home Guard commandant chuan ti ve ang maw, tiin an en ta thap mai. Chutah Home Guard commandant chuan a sipai chhuanvawr a ko chhuak ve ta a. “I ralthuam famkimin inthuam la. Chu bakah chuan ip lian tak pai tel la, chutah chuan uifing pahnih I dah ang a. I kut pakhat chauh hmangin sawlai flag ban saw I lawn chhuak ang a. Salute min pek pahin Jana Gana Mana I sa chhuak parh ang a. I sak zawh veleh chemte sehkawh chungin, lu lei vit zawng ngei in I zuang thla leh tur a ni,” a ti ve ta a.

Home Guard chuan a pu thusawi zawh rual chiah chuan, “TEUH LO MAI, KA PU,” a ti teng ta chhiai mai. Home Guard commandant chuan a thiante chu hnuai chhiah taka en chungin, “Kha aia huaisen kha an awm thei dawn em ni?” a ti ta a. (He post hi vawi 1724 keu hawn a ni tawh e.)

(Triau Trackx – Ka lo nghak reng ang che parody)

I nei dawn em?
I nei hnem em?
Ka zawhna hi min chhang thei em?
Lo lam dawn em?
Rawn dah thei em?
Ka zawhna hi min chhang ta che

Min tlawm thei dawn em?
Kan in con dawn em?
Ka zawhna hi i hre thei em?
Engpawhnise, engpawh thleng se
He number hi lo save phawt ang che

Excise leh YMA ten
I chungah thla an zar a
Kalna tur dang i kal hma in
Lo call ta che
Ka lo lei sak ang che
(Ka lo lei sak ang che)

A tlawm zawk a
Mi pek chuan
A um dang ka phut love
Mi call tlang theilo
A nih chuan
Ka awmna tur i hriat kha

Engpawh nei la, engpawh zuar la
Inthlahrun na tur a awm lo
Engpawh nise, engpawh thleng se
He no hi lo dawm ve phawt teh

Excise leh YMA ten
I chungah thla an zar a
Kalna tur dang i kal hma in
Lo call ta che
Ka lo lei sak ang che

Ohh ohh ohh ohhhh
ohh ohh ohhh ohhhh
Ka lo lei sak ang che

Ohh ohh ohh ohhhh
ohh ohh ohhh ohhhh
Ka lo lei sak ang che

I nei leh dawn em?
I chah zel dawn em?
Ka zawhna hi i hre thei em?
Engpawh nei la, engpawh stock la
Min rawn pe thin zel ang che aw

Excise leh YMA ten
I chungah thla an zar a
Kalna tur dang i kal hma in
Lo call ta che
Ka lo lei sak ang che (He post hi vawi 114 keu hawn a ni tawh e.)

Aizawl atanga Kolkatta pana an thlawh chhuah hnu minit 10 hnuah chuan pilot chuan thu a rawn puang ta a, “Kan engine pakhat a chhe hlauh mai, hlauhthawn tur engmah a awm chung lo; darkar 1-in Kolkatta kan thlen tlai phah deuh dawn a nia, engine pathum hmangin kan thlawk zel ang,” a rawn ti a.

Minit 20 hnuah chuan pilot chuan engine pakhat a chhiat leh thu a rawn puang leh a, “Hlauhthawn tur a awm lo, darkar 2-in kan thleng tlai dawn,” a rawn ti leh a.

Darkar chanve vel a ral leh ta tihah chuan pilot chuan an engine pakhat a chhiat leh thu a rawn puang leh ta a, darkar thum hnuah chauh Kolkatta an thlen theih tur thu chu a rawn puang leh ta a.

Tlangval pakhat, chu thlawhnaa chuang ve chuan a bula thu nula hnenah chuan, “My dear, a engine pakhat a chhiat leh vaih chuan nilenga kan thlawh a ngai dawn a nih chu!” tiin a lo hrilhru ve su su a. (He post hi vawi 129 keu hawn a ni tawh e.)

-Muantea Wine Nino

Sualah an puh cheu nge in sual ve hrim hrim?
In phuahchawp nge nuam in ti ve hrim hrim?

Kahhlum tumin an veh cheu nge dawt in sawi zawk?
Dawt muhlum chhakchhuak tur hian eng chen chiah nge in inbuatsaih lawk?
Music video in siam hian tu nge hlawk?

In rap rhyme mumal lo lutuk avang hian ka nuihna lamah ka hnap a dawk.
Thudik hmangin thu leh hla puangchhuak mai la a tawk.

Recording studio neitute sum bawm.
A tam zawk hi chu ka thuziakah pawh in tlawm.

Music video pakhat siam nan sum engzat nge i khawhral?
Rappers nih avang ngawtin em ni midang i hal?

Mizo takin a rap theih,
Kei paw’n ka peih.

Mahse nangni ho nen bawm khata awm ka duh leu.
Ka sum leh pai paw’n a tlin ve leu.

Min chhan ngaihna pawh in hre lo.
Kawng engkimah in bo.

Ka thusawi a ho,
Mahse a tlo.

In chhanletna ka nghak,
Ka ring fan meuhin in lam hawiin ka lo dak.

Midang sawisel in thiam,
Kei paw’n ka thiam. (He post hi vawi 105 keu hawn a ni tawh e.)